JATI DIRIKU

Saya terlahir sebagai orang yang pandai membuat perencanaan dan punya semangat juang dan rela untuk berusaha sekuat mungkin.

Saya bukan tipe pendendam, dan setiap kali saya sedang down, semuanya akan berlalu begitu cepat. 

Kalau orang lain baik terhadapku, maka saya akan membalas berkali-kali lipat.

Saya suka segala yang praktis dan tidak suka hal-hal yang rumit dan perasaan lelah.

Namun saya keras kepala, kadang sudah tahu itu salah, tapi saya tetap mengibas semua rintangan dan tetap berjalan ke arah yang saya mau, itu sisi jeleknya saya

Saya benci membuat keputusan, namun saya sangat suka riang, bahkan untuk hal kecil sekalipun, semua perasaan saya sangat sulit tertulis di wajahku dan banyak yang tertipu

Saya sangat jelas terhadap perasaan, dan saya tidak memberikan kesempatan bagi orang yang memang saya tidak suka dan membuka kesempatan yang lebar pada orang yang saya suka,.simple tidak suka berpura pura

Tentang Rasa

Rasa itu adalah rahasia, dimanakah rasa, seperti apakah rasa itu???.....

Ku umpamakan sebutir garam dan asin. tengoklah asin itu ada dimana???.....

pada awalnya engkau semua akan mengira bahwa asin itu adanya didalam garam...... itu tak bisa disalahkan, sebab memang kemampuanmu menangkap masih berada pada level itu saja.......

makin dalam ditelusuri, maka akan disadari ternyata asin itu adanya dilidah penikmat bukan ada di garam....... pemahaman seperti itu juga tak bisa disalahkan, sebab kapasitas penangkapanmu masih disitu saja......

Makin dalam lagi, ternyata rasa itu adanya diotak, karena otaklah yg memproses dan mengenali dan membedakan setiap rasa. Pemahaman spt itu pula tak bisa disalahkan krn memang kapasitasnya berada disitu saja......

Makin dalam lagi, ternyata rasa itu adanya didalam akal fikiran kita sendiri.

Makin dalam lagi, ternyata rasa itu adanya didalam hati kita sendiri,

Makin dalam lagi, ternyata rasa itu adanya dalam nurani diri pribadi.

Makin dalam lagi, ternyata rasa itu "TAK PERNAH ADA" adanya hanya "SAYA"
======================================
Seperti itulah rasa, ia menjadi rahasia yang berlapis-lapis.
======================================

PAPPASENG LAO RI WIJAKKU

Anakku Buana Atikku,
Abbonga bongaki ri pangkaukeng madecengnge, aja'na rilaleng makkijae.

Attongeng tongekki ridecengnge aja'na ripangkaukeng masalae

Engkaki mancaji tau masagena mabbere makkuatopa mattarima, aja' taperrisiwi asagenangetta. Malappa atuongetta, mapaccing atitta

Riyissengngi ri esso wennie, riyisseng toi riyasengnge sifa'' adele'e. Tau iyye missengngi pura mannessani Naisseng alena

Tepu madecengngi sininna sewwa''e iyye purae irencana, makkotopa eganna tepu madeceng sewwa'' iyya de'e lairencana. Sininnaro pura natoro madeceng Puang sewwae

Sewwa'' iyye purae irencana de'e nasilennereng, makkotopa sewwa'' de'e narirencana silennereng, sabbarakengngi. Jancinna puangnge tania belle''

Iyya tau madecengnge, manyamengngi, amangngi, nenniya salamai ajokkangenna

Sewwa'' elo'e ipaddibola riyanu teppeddingngenatarima akkaleng, papole madecengngi nasibawai tongeng''.

Sewwa'' de'e nairita pura mannessa engkai poleakki agi'' purae napparentang puang Allah ta'ala riyalena

Amalakki amala biasa'' bawang, ko engkaki masagena napaulle Appuasaki iyyana parellue

Paccoba, paccallang, sibawa pammase: iyamanennaro pura nataro madeceng puangnge, sarekkuammengngi engka perubahan atuongeng lino. Engka maneng paggangkanna, namoni riyaseng sipuppureng lino

Tafegau'i sewwa'' weddingnge rifigau', tafaddiyolo matoi malemma'e ripahang. Iyya makessingnge riyalemu, iyyanaritu sewwa'' weddingnge mujama

Aja' to talliwe' liwe' riatuongetta, adelekki riyaleta, ritau laingnge, riperasaatta nenniya pikiratta, adele tokki ripangkauketta.

Aja' tasolangi aleta, aja'to tasolangi tau laingnge. Engkaki rilaleng amaikengnge

PAPPEJEPPU RI PUANG MAMPANCAJIE 3

Mas’ala Maennangnge Assilaingenna Parengerangnge Napikkirie

Saisainna lasengnge ri ajeppui iyanaritu assilaingenna parengerangnge napikkirie nasapa ala massiya-siyannuna sewwae ata mappikkiri’mi nasengi alena marengerang.

Jaji natentuangini alena lettu ri Puanna nasaba perengeranna narigau’ engkana de’natettu nasaba pappikkirimi, dessa narengrang. Jaji sisalani tentuanna nanapegaue atinna iyanaritu appikkirie namettentuni assilaingenna. Pakkasiwiyanna atie nasaba parengerang nenniya pikkiri.

Aja nala’gattunna ri ajeppuinnai parengerangnge napikkirie kui ri anessainnai pallolongeng tompo’e pole ri atie iyanaritu :

1.      Nawa-nawa : iyanaritu kedo-kedona atie lolongengi sedding sewwa de-epa nattentu.

2.    Kapang : iyanaritu kedona atie lolongengi anu natuntu’e rimunri purana nakira-kira amakkuangenna.

3.    Pikkiri : iyanaritu angelonna atie tuntu-I anu pura ri kira-kirae koromae sining ri lainnae Puang Allah Taala rimunri purana natentuangi amakkuangenna.

4.    Parengerang : iyanaritu arenrengenna atie mangolo ri Puang Allah Taala.

Napole kunige pappejeppu pura ri rampewe tommala passing keruang pattu ri silaingenna parengerangnge napikkirie kuaetopa rilainnae ritu sining rupa-rupanna pallolongeng mompoE ri atie.

Allah swt mammuare bare’ napakkegunai Puang Allah Taala.

Mas’ala MapituE Passingkeruang Silasengengnge Asukkukenna Parengerangnge

Lasengi riasukkukenna parengerangnge ri ajeppuinnai dua tellue passingkeruang penting iyanaritu :

1.      PuasengngE parengerang

2.    Napoleie parengerang

3.    Onronna parengerangnge pole ri Puangnge

4.    Onronna parengerangnge pole ri atae

5.    Parengeranna atae ri Puanna

6.    Onro rionroie marengerang

7.    Lalang rionroie marengerang

8.   Lao-laona parengerangnge

9.    Ata’butungenna parengerangnge

10. A’to’do’e ri wettu marengeratta

11.    Anu wajie ri tentuwang masse’

Majeppu iyawe sappuloe seddi passing keruang penting, nigi-nigi majeppuiwi katajangenna pole ri akkalengnge nenniya nakalengnge akorangnge neha’dese’e majeppu sukku’nitu pappejeppunna ri pussengnge parengerang tongettongeng iya rialae alettukung lao ri Puang Sewwae.

Mammuare bare nainringi Puang Allah Taala majeppu madecengi nenniya pahang lempui kuaetopa singkeruang masse’I ritu matti.
Bersambung.......Insya Allah Lain Waktu di Lanjutkan....!!!!!
SEMOGA BERMANFAAT

PAPPEJEPPU RI PUANG MAMPANCAJIE 2

Masala MamulangngE Tawanna PakkasiangngE

Tattawai pakkasiwiyangngE lao ri duaE tawanna :

(Pakkasiwiyang lahereng) iyanaritu pakkasiwiyanna tubuE koromai pada-padanna : SempajangngE, PuasaE, Kuetopa ri lainnaE ritu turu’ pada toha marissengengnge rikkeng.(Pakkasiwiyang Bateng) iyanaritu pakkasiwiyanna atie koromai pada-padanna : parengerangnge tauE ri puang Allah Taala nenniya pesonae, asa’barakengnge, asukkurukengnge kuaetopa rilainnae ritu.

Napura tempedding sisessiseng ripassarang pakkasiwiyang laherengnge napakkasiwiyang batengnge jaji ri makkuannanaro de’tu sewwa pakkasiwiyang lahereng ri pakkasiwiyangeng batangngE pada-padanna : sempajangnge, saisairo pakkasiwiyang lahereng temmakkuller ri passilennereng ritu’ narekko tennasibawaiwi parengerang uppanna-uppanna de’I parengrangnge nallupai toni ritu kedo-kesona baca-bacana sempajangnge.

Jaji mattentuni aderenna nawedding massarang pakkasiwiyang laherengngE napakkasiwiyang batengnge iyakkeppaha saisai anu mashoroE ri sesena homappejeppue ri engkanai parengerangngE, iyanaro poko’na pakkasiwiyangngE iyatona puaseng lise.

Makkedai Puang Allah Taala ri surah Thaha 14

إِنَّنِي أَنَا اللَّهُ لَا إِلَهَ إِلَّا أَنَا فَاعْبُدْنِي وَأَقِمِ الصَّلَاةَ لِذِكْرِي -١٤-

Bettuanna : tettongengi sempajangngE untuk mengerangiko.

Makkeda toi ri Surah Al-An Kabut 45

اتْلُ مَا أُوحِيَ إِلَيْكَ مِنَ الْكِتَابِ وَأَقِمِ الصَّلَاةَ إِنَّ الصَّلَاةَ تَنْهَى عَنِ الْفَحْشَاء وَالْمُنكَرِ وَلَذِكْرُ اللَّهِ أَكْبَرُ وَاللَّهُ يَعْلَمُ مَا تَصْنَعُونَ -٤٥-

Bettuanna : Majeppu parengngerangngE ri puangh Allah taala maserro raja naiya puang Allah Taala maisseng iya-iyanna pada mappegauE.

Jaji tungke, pakkasiwiyang de’E nasibawaiwi parengerang saisai pakkasiwiyang lo’bang  rimakkuannanaro napappatuppatukengi puang Allah Taala ri paegai parengerangngE ri alena. Ri makkedanai ri surah Al-Ahzab 41

Bettuanna : E sininna tomateppe-E, pada arengerakko ri puang Allah Taala arengerang maserro ega.

Mas’ala MaduaE Pakkasiwiyang Lahereng

Majeppu Puang Allah Taala napancajiwi taue ri maserro kessingnge ancajingeng massuengngeng pole rilanro ala silinajae napake passilennerrengi parentana puamg Allah Taala nenniya tettangi pappesangkana nenniya napake mewai sipa’binru – binru madeceng tettangi mewai sipa’binru-binru maja padanna ripancaji.

Makkedai Puang Allah Taala, ri Surah At-Tin 4.

لَقَدْ خَلَقْنَا الْإِنسَانَ فِي أَحْسَنِ تَقْوِيمٍ -٤-

Bettuanna : Majeppu sitonget-tongenna kipancajiwi tauE ri maserro kessingngE ancajingeng.

Makkedatopi Nabitta Muhammas saw.

Bettuanna : tungke-tungke torijajiangnge ri jajiangi ripakkakkasa alempurengnge.

Jaji nawajiriwi tungke’tungke’tau majeppu mengke’I (pakalebbi’i) ancajingeng makessinna, napakkegunai pakkakkasa’ sukku’na nasaba napakenai passilennerrengi parentana puanna, niniriwi pappesangkana ritu. Nenniya napakenai sipa’binru-binru madeceng padanna ripancaji sare’kuammengi napulabai asalamakeng sukku’E upe’ manennungengngE ri duaE wanua. Nanigi-nigi passiya-siyai ancajingenna nasaba napakenai madorakaiwi Puang Allah Taala, nenniya mewai sipa’binru-binru maja’ padanna ri pancaji, majeppu saisai ritu tomacilaka puppu’, saju pole ri pammasena Puang Allah Taala rilino lettu ri ahera.

Ponco’na ada puasengnge pakkasiwiyang lahereng iyanaritu : ri pakenai lanro-lanro aleta passilennerrengi parentana Puang Allah Taala nenniya niniriwi larangenna ritu. Kuaetopa ri pakenai ritu mewai sipa’binru-binru maja padatta ri pancaji.

Mas’ala MatelluE Tawanna Pakkasiwiyang LaherengngE

Tattadai pakkasiwiyang laherengngE lao ri duae tawannu :

I.      Pakkasiwiyang lahereng langsung ri puangnge iyanaritu pakkasiwiyang natungkerie ataE makkasiwiyangi ri puanna nariasenna ritu ibadah koromai pada-padanna sempajangnge kuaetopa rilainnae ritu. Nasaba iyapa nariakkalebaraki massempajang seddiE tau narekko alenapa papolei tempedding siseng ri sulle.

Rimakkuannanaro nariparentaiyang Nabitta Muhammad saw suroi lise’ bolana massempajang rimakkedanai Puang Allah Taala ri lalenna surah Thaha – 132.

وَأْمُرْ أَهْلَكَ بِالصَّلَاةِ وَاصْطَبِرْ عَلَيْهَا لَا نَسْأَلُكَ رِزْقاً نَّحْنُ نَرْزُقُكَ وَالْعَاقِبَةُ لِلتَّقْوَى -١٣٢-

Jaji bennengnge weddingi si sulle tauE massempajang de’ nariparentai Nabitta Muhammad saw suroangi lise’ bolana ritu.

II.     Pakkasiwiyang lahereng punnai anu maditengnge lao ri Puang Allah Taala, iyanaritu sining pakkasiwiyang iyassibalingiE (iyakkonsingiE) ri pallawangetta ikkeng ataE papolei ritu. Nariasenna muamalah pada-padanna : assipa’binru-binrukeng naparentangngE Puang Allah Taala koromai assipa’balukeng, assipangellingeng nenniya assituluttulungengngE kuaetopa ri lainnae ritu makkedai Puang Allah Taala ri surah Al-Maidah – 2.

وَلاَ تَعَاوَنُواْ عَلَى الإِثْمِ وَالْعُدْوَانِ وَاتَّقُواْ اللّهَ إِنَّ اللّهَ شَدِيدُ الْعِقَابِ -٢-

Bettuanna : sibole-bolemu pada situluttulung ri decengngE nennia tau ri Puang Allah Taala naaja’ lalo musetulut ri dosaE nenniyari assipubalingngE.

Jaji sining assipa’binru-binrukengnge ri pallawangetta maserro sitinajai ri pappong ri decengnge nenniya tau’E ri Puang Allah Taala. Tempedding sisessinseng ri pappong ridosae nenniya ri atalliweng-liwengnge.

Nigi-nigi pappongi assipa’binru-binrukengngE ri pallawangennia masse ri decengngE nenniya tauE iyanatu makkasiwiyangngi assipa’binru-binrukenna.

Mammuara dare nalomoiyakki Puang Allah Taala pada passilennerrengi pakkasiwiyang laherengnge (ibadae nenniya muamalaE) nasibawai asukkukeng naki pada pulabai deceng natampue nenniya appalang mattajattungingngi ritu risesena Puang Allah Taala.

Masalah MaeppaE Pakkasiwiyang BatengngE

Namukka engkanai pakkasiwiyang gatengngE pakkasiwiyang mattentunnai atiE. Jaji waji sisengi ri alae majeppu nakkulle ullei paccingiwi nenniya pakkasingiwi atinna nasaba napalisannai nenniya napalainnai ri atinna sining maka rotakiengngi nenniya solangiengngi koromai pada-pada ria. Namusunnai cinnana inafsunna. Nasaba de’ laing napparentang iyaro nafsue sangedinna ja’.

 Makkedai Puang Allah Taala ri surah Yusuf – 53.

وَمَا أُبَرِّئُ نَفْسِي إِنَّ النَّفْسَ لأَمَّارَةٌ بِالسُّوءِ إِلاَّ مَا رَحِمَ رَبِّيَ إِنَّ رَبِّي غَفُورٌ رَّحِيمٌ -٥٣-

Bettuanna : Majeppu inafsue maraja apparenta ri ja’E.

Jaji nigi-nigi turusiwi cinna inafsunna nagampangennitu papolei rupa-rupanna ja’E koromae akapere kengngE, apasekengngE, amunapekengngE A’udzubillah ri makkuannanaro rimusu nafsue ri makkedanai.

Bettuanna : Naiya kaminang maserro lebbiE miniseng iyanaritu namusunai tauE nafsunna nenniya cininana.

Sibawa paimeng, Puang Allah Taala, nappesangkangtu ri turusi nafsutta. Gangkanna najancingeng suruga tau canengngi ritu nafsunna. Makkedai Puang Allah Taala ri Surah An-Nazi’at ayat 40

وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَى -٤٠-

Bettuanna : Naiya tau metauengngi atettongenna Puanna nanapesang kaiwi inafsunna mapelaiwi cinnana majeppu suruga onrong a’dakkarenna.

Jaji pole kuniye ri haddese’E nenniya ri ayaE ri pahang rajanna onronna tau mesuengngi inafsunna namukkauppanna. “ Nacau’ni tauE inafsunna magampanni natettangi rupa-rupanna ja’E malomomoni napapole rupa-rupanna decengnge. Jaji mattentuni ritu atinna ritu mapaccinni nenniya makessinni nauppannua-uppanua makessinni atie makessittonitu tubue.

Makkada Nabitta saw :

………………………………..

Bettuanna : Pada maingekiwi majeppu engka ritubue juku sitekke narekko madecengi madecettonitu iyana nennua tubue, narekko masolangi masotang manettoni iyamanennua tubue, majeppu sitonget-tongenna iyanaritu atie.

Masa’ala Malimae Tawannua Pakkasiwiyang Batengnge 

Tattawai pakkasiwiyang batengnge lao ri duae tawang :

I.      Pakkasiwiyang batengnge lao ri Puang Allah Taala iyanaritu pakkasiwiyanna atu matterru lao ri Puang Allah Taala de’e nata’buttu ri toripancajie koromai pada-padanna taue pesonae, tentuangnge parengerangnge ri Puang Allah Taala makkedai Puang Allah Taala ri haddese’ kudsie’ :

Bettuanna : Sibawan itu riwettu muengerakku.

II.     Pakkasiwiyang bateng punnai anu maditengnge lettu ri Puang Allah Taala iyanaritu pakkasiwiyanna atie ta’buttue lao ri pancajinna Puang Allah Taala untu’ marengerang neniya pappejeppu ri Puang Allah Taala. Koromai pada-padanna appikkurie ri pancajinna Puang Allah Taala sikira-kira majeppuiwi asewwangenna, apaullena nennia asenna kuaetopa akkelona enrengngetopa ri lainna ritu namuka appikkiri’na atie tempedding lettu ri ale majeppuiwi Puang mappancajie.

Makkedai Nabitta saw :

Bettuanna : Pada appikkirikko ri toripancajie naaja’ lalo mupikkirikiwi tomappancajie karana majeppunna ritu de’natemmu-temmuiwi pikkiri.

Jaji appikkirie iyapa nariakkasiwiyang ri Puang Allah Taala narekko ri appikkirikengenge ri alengnge sarekuammangi nariala pappejeppu ri Puang Allah Taala ri Surah Ar-Rad ayat 19

Bettuanna : Majeppu sitonget-tongenna iyani mainge’ topunnaie akkaling.

Akkattana ritu iyami ma’gunangi pikkiri’na ri alangnge sikira-kira mappejeppu tongettongeng ri Puangnge topunnai ati maccinnrung pikkiri patuja.

PAPPEJEPPU RI PUANG MAMPANCAJIE

Jaji tungke-tungke tau de-E nasompai Puanna saisai ritu tau pasiya-sayai ancajingenna nenniya tau massakkarengi pappenyameng riwerengengngi  ri Puanna. Jaji pakkasiwiyangnge saisa toi tanra asukkurukeng ripappenyameng nappenyangengengnge

Puangnge rikkeng ataE, tanniya tanra akkatan gemmi simata-mata. Nasaba rikasiwiyangi tenri kasiwiyangi napuatakina. Sibawa sitonget-tongenna de’to na’guna pakasiwi yangi pada toha aderenna nappesukkara’ adorakangnge ripuangnge.

Narimunrinna ritu, makkedai Puang Allah Taala :

وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ -٥٦-

(De’ Upancajiwi Jingnge nenniya taue sangngadina kuammengi pada nasompaka). Surah Adz-Dzariyat. Ayat : 56

MakkedaE rihaddise KudsiE :.

Bettuanna : E Atakku ! benneng majeppu toriolomu nennia torimonrimmu bangsa tauE nennia bangsa jengngE engkai pada sewwaE tau maraja tau’E atinna pura de’to napencengiwi akkarungkku cikalice’

Makkumatoiro narekko de’nakkasiwiyang ataE ripuanna de’na nakurangi akkarungenna ritu.

Makkedai rihaddise kudsiE :

Bettuanna : E Atakku ! bennengnge majeppu toriolomu nenniya torimonrimmu bangsa tauE nenniya bangsa jingnge engkai maserro ja’maneng atinna de’lalo nakurungekku cikalice.

Jaji de’laing sitonget-tongenna na’gunai nenniya makkegunaiwi pakkasiwi yangnge sangadinna ataE tomiha simata-mata.

Makkedai Puang Allah Taala ri haddise’ kudsiyE.                                                                                         

 Bettuanna : E Atakku ! majeppu sitonget-tongennu  sining amala’mu ikomaneng mua punnaiwi upara kaiyangemmo bawang. Jaji nigi-nigi lolongeng.

Deceng sibole-bolena nappuji ri puang Allah Taala. Nanigi-nigi lolongeng rilannaE decengnge aji naengka natunra-tunrai sangadinna alenamiha.

Ponco’na ada nawajiki sisengi tungke-tungke ataE majeppu tuntu-I puasengnge appakatang Ale (assompa) ripuangnge sare kuammengi napa’dupai akkatangenna nennia napassilennerengi asukkurukengngE ripappenyameng riwerengengngi ri puanna.

Jaji narimakkuannanaro nauengkana marennu pannessai rilalenna iyaEwe karangeng maponcoE namarippe’ lao-laona appakatang ale nenniya pappe jeppuE ripuang sewwaE. Nauasenni ritu :

Ada tongeng : “ Ri anessanna pappejeppuE ripuang mappancajie.

                     . Namammure mapabbarakkai puang Allah Taala nenniya napakkegunai risining to’bacaengngi iyaewe karangangnge koromaE sining tuntuengngi lao-laona appassewangnge nenniya pappejeppue kuaetopa arengerangnge ripuang Allah Taala sare kuammengi napulabai asalamakeng.

            SukkuE manpekeng mannenuangngE riduae wanua lino ahera.

Sewwa Passaleng

Rilaleng anessanna puasengnge akketangeng majeppu puasengnge akkatangeng iyanaritu assampaE ripuang Allah Taala nasaba atturu’ riparentana nenniya annini’ ripappesangkana.

            Makkedai puang Allah Taala ri surah Al-Baqarahy 21 :

Bettuannna : Hai sininna tauE pada sompai puammu puang pancajiekko nenniya pancajiengngi toriolomu namuareko mennang muparajaiwi tau’mu.

Jaji waji-I riiyamanenne tauE massompa ripuanna atturu’ ri parentana nenniya annini’ ripappesang kana naengka pada mancaji tomaraja tau.

Najeppu tomaraja tauE ripuanna, ri werengengi kuritu apatirowang makkedai puang Allah Taala ri surah Al-Anfal 29 :

Bettuanna : Narekko muparajai tau’mu ri Puang Allah Taala, napancajingekko mennang sewwa lajang Papassarang pallawangenna tongengngE nasalaE, maja’E namadecengngE.

            Aga namalomona napapole (napasilennereng) rupa-rupanna pakkasiwiyangngE lahereng enrengngE topa bateng. Najeppu ripassilennerennai pakkasiwiyeng laherengngE enrengngE topa pakkasiwiyang batengngE iyana hakikinna akkatengngengE, nanigi-nigi lolongengi hakikinna akkatangengngE, iyanaro tau majeppuiwi alena, nanigi-nigi majeppuiwi alena, najeppui tonitu puanna. Iyanaro Najello makkedana anreggurutta pattassaopuE: ……

Bettuanna : Nigi-nigi majeppuiwi alena majeppu majeppui tonitu puanna Naiya ripakkelorie (najeppui alena) iyanaritu najeppuinnai alena nasaba naturusinnai parentana nananiniriwi pappesangkana Puang Allah Taala.Jaji taniya ripakkelori papejeppu ri alewe najeppuinnai mula  ancajingenna koromai pada-padanna rialanai

Ancajingenna pole rialusu’na.

TanaE, apie, waiye, angingngE iyarega, pada-padanna : wa’di, madzi, mani, manikakuwaetopa ri laennae ritu koromai najeppuinnai tubu kassara’na Adam. Tubu alusu’na Muhammad, nyawana nurun, nurun pole ri puang Allah Taala. EnrengngEtopa rilainnae ritu koromae siagaE egana pappejeppu-“    Sala de’e gaga appengenna cikalice  ri agama asellengengnge, agama nappapolewe    nabitta nade’ abata-batanna sining ane de’e  napapolengekki Nabitta majeppu ritollai ritu.

Makkeddai Nabitta

Bettuanna nigi-nigi papole rilelenna  iye agamata, nadei ritu saisa agama majeppu ritollai ritu. Makkeda toi puang Allah Taala Risurah Ali Imran.

وَمَن يَبْتَغِ غَيْرَ الإِسْلاَمِ دِيناً فَلَن يُقْبَلَ مِنْهُ وَهُوَ فِي الآخِرَةِ مِنَ الْخَاسِرِينَ -٨٥-

Bettuanna nigi-nigi sappa agama ri laennae agama asellengengnge pura de’naritarima ritu, naengka matti riahera saisa tau rugi

PAPPADIYOLO, SYAHADAT, APPAJEPUWANGE LAO RI PUANG ALLAH TAALA

PAPPADIYOLO

Sininna pappujie napunnai manengngi Puang Allahtaala. Nenniya Asukkurukeng temmapettu lao ri Puang Allahtaala, rigau engkana riaseng agama (islam) napuatureng Puang Allahtaala ritau iyyamaneng mancaji rahmatan lil alamin.

Usabbiwi deggaga Puang sagadinna Puang Allahtaala, nenniay Usabbitoi Nabi Muhammad SAW surona Puang Allahtaala. Shalawat dan salam lao ri nabitta Muhammad SAW sibawa keluargana enrengge sahabana iyamaneng.

            Makkedai Nabitta Muhammad SAW

Bettuanna : Usalaingekko 2 (dua) sewwa-sewwa (kitta) narekko pada muakkatennimui iayaro duwae (kitta) puradena mutassala (puradena mupusa) mannenungen iyanaritu KITABBULLAH (Al-Qur’an) dan SUNNATULLAH (Haddesenna Nabitta SAW).

Rigau engkana pengalamakku monro ri Arab Saudi (Tanah Arab) selama seppulo taunna (1981-1990) dan menunaikan ibadah Haji beberapa kali, sibawa paimeng salama seppulo dua (12 thn) taunna mabbicara, deppa naengka tau passalai iya uwokie rilalenna iyae boewe. Sibawa paimeng tau maeloe jokka Haji purae uffapahangi (napogaui) depagaga nakenna lasa tessipato iyya ritungkae ratau anasedding gassai lettu nae. Seuatu hal yang mustahi, tapi naerkko Puang Allahtaala pueloi pasti kejajiang. Iyyatoro tau purae upahanggi engka maneng mui salama lettu lesu ribolana. Alhamdulillah

Jaji uwellau ridi siajing selleku maeloe baliwi pattampana Puang Allahtaal jokka Haji (siarai bolana) tapakessingi memenni syahadatta, makkotoro paimeng NIAT IHLAS karena Puang Allahtaala simata-mata. Mamuare Puang Allahtaala nawerekki petunjuk, pammase nawalaiki sibawa Haji mabrur nenniya napassalamakki lao lisu lettu ri bolata tudangetta, Amin Yaa Rabbal Alamin

SYAHADAT

SYAHADAT biasa napake Arab’e mabbetuangen IJAZAH atau Kartu Tanda Penduduk (KTP) syahadat weddingto mabbetuang (anu) MANNESSA TALLE RI makkedanna Puang Allah Taala  Íoy‰»yg¤±9$#ur ã É=ø‹tóø9$# NÎ=»tã 7Ï9ºsŒbettuanna, naiya (Puang Allah Taala) naisseng maneng mallinrungnge sibawa Mannessae (talle) (Q.S. 32. A. 6)

SYAHADAT pole ri ada ----------------------- bettuanna mancaji sabbi riolona hakimnge, naiya tau ritarimae mancaji sabbi ri hakimnge, pasti tau mitaengngi persoalan riakkarakaraiye, --------wedditti, mabbetuang naita mata atau RIAJEPPUI!, Adanna Puang Allah Taala rilalenna akurang malebbie ------------------------ Bettuanna, Narekko engkana rikotu mennang mitai (mata) ulengnge (Hilal Ramadhan) pada mappuasa manenno (Q.S. 2. A. 85).

Jaji iyaro kata ------------mabbaetuang, IRITA, ISABBI, iya regga RIAJEPPUI. -------- Mabbetuang MANESSA IRITA iyarega MANNESSA RISABBI, iyarega MANESSA RI AJEPPUI, jaji narekko engk tau MASYAHADAT, nade nannessa, iyarega de nappejeppu, iyarega de nasabbiwi tongeng-tongeng. Mabbaca mitu syahadat. De naullei pattongengi ATI. Nasaba iyami MANNESSA naita, iya MANNESSAE najeppui, iyami MANNESAE nasabbie tongeng-tongeng. Wedding napattongeng ATI. Nasaba ATIE denaengka nabbelle. Makkomatoiro SYAHADAT LAA ILAHA ILLALLAH MUHAMMAD RASULULLAH.

--------

Parellau laddei ripannesa risabbi iyarega ri ajeppui aderennagaga Puang rilainnae Puang Allah Taala enrenge Nabi Muhammad SAW suronai Puang Allah Taala. Iyatonae nappaguruang Nabitta Muhammad SAW seppulo seddi (11) taunna monro ri Mekkah. (Pammulang anabingeng).

Tacobai pikkirikiwi adanna Puang Allah Taala rilalenna Akorang malebbie, iyanaritu remakkenanna Puang Allah Taala:

--------

Bettuanna, Puang Allah Taala nasabbi (najeppui) sitongeng-tongenna de’gaga Puang sangadinna ALENA (Puang Allah Taala) dan Malaikat-malaikat si bawa TAU tuntungi paddisengen (apejepuwange) pada mappahang masse (berpendirian teguh) de’gaga Puang sangadinna (rilaennae) ALENA (Puang Allah Taala) iya kaminang Parkasa-e kaminang bijaksana (Q. S. 2. A. 18).

Puang Allah Taala sibawa malaikat-malaikatna nasabbi (najeppui) de’gaga Puang sangadinna Puang Allah Taala, makkotoro TAU tuntuengi paddisengeng (appejepuwange) mappahan massei (mannessa) de’gaga Puang rialainna Puang Allah Taala. Naiya ajeppuange lao ride’nagaga Puang rilainnae Puang Allat Taala, ripammulai ri appejepuwange lao ri Puang Allah Taala.

APPAJEPUWANGE LAO

RI PUANG ALLAH TAALA

Makkedai nabitta Muhammad SAW

Bettuanna : Ripammulai Agamae ri Appajeppuwange ri Puang Allah Taala. Iyatona napogau Nabitta Muhammad SAW ri Goa Hira (berkhalawat) Naiyatona Nappaguruang nabitta SAW lao ri sahabat-sahabat na ri Mekkah ettana lebih kurang 11 taunna, terutama ri pammula-pammulang anabingenna to nasserie pammase neniya asalamakeng.

Niya appejeppuange lao ri Puang Allah Taala tabbagei lao ri eppa (4) bagianna iyanaritu :

1.      Appejeppuange ri Zatna Allah Taala.

2.      Sipaduappulona Allah Taala.

3.      Aseng marajana Puang Allah Taala.

4.      Isseng enrenge Ebbuna Allah Taala.

Iyanae eppae passaleng parellu ripahang madeceng rilalenna appajeppuange lao ri Puang Allah Taala. Nasaba polekkoiri ri Zat-na Allah Taala mancaji I (Alepu). Polekkoi ri sifat 20 na Allah Taala mancaji I (A) polekkoi ri Aseng marajana Allah Taala mancaji I (i) polekkoi ri ebbuna Allah Taala mancaji I (U) najajina I I I I. Nainappasi pole ri I (alipu) mancaji I (Alepu) rilalenna lapaleng ---- polei ri I (a) mancaji Lam (--) pammulang ri lapaleng --- polei ri I (i) mancaji Lam (--) kedua ri lapaleng – polei ri I (u) mancaji Ha (--) ri lapaleng --. Jaji polekoniro hurupu eppae najajina asenna Puang Allah Taala --- rasenni ISMUL JALAALA (---------). Naiyyatosi Aseng Marajana Puang Allah Taala (iya) taniya baca. Taniya hurupu, taniya sadda ri asengi ISMULLAHIL A’DHAM. (--------------).

Polekkoi Ismul jalalae ( ----) eppae hurupunna mancaji aseng (------) iyarega (------) polekotoniro eppae hurupu mancaji nappase eppae iyanaritu :

1.      RADDE (Maggempung babuwa, nappase lettu ri mulajajjie, kotoniri ajeppui engkana Zat-na Allah Taala).

2.      MESSU (ripassau) koniro ri ajeppui sifat 20 na Allah Taala.

3.      RADDE (Makkeppe babuwa, nappase lettu riyase) koniro ri ajeppui aseng marajana Allah Taala (-------------------).

4.      TAMA (Mallaleng Tama) koniro riajeppui Ebbuna sibawa Issenna Allah Taala.

APPAJEPPUWANGE RI ZAT-NA ALLAH TAALA

APPAJEPPUWANGE RI ZAT-NA ALLAH TAALA

Makkedai nabitta Muhammad SAW

Bettuanna : Ripammulai Agamae ri Appajeppuwange ri Puang Allah Taala. Iyatona napogau Nabitta Muhammad SAW ri Goa Hira (berkhalawat) Naiyatona Nappaguruang nabitta SAW lao ri sahabat-sahabat na ri Mekkah ettana lebih kurang 11 taunna, terutama ri pammula-pammulang anabingenna to nasserie pammase neniya asalamakeng.

Niya appejeppuange lao ri Puang Allah Taala tabbagei lao ri eppa (4) bagianna iyanaritu :

1.      Appejeppuange ri Zatna Allah Taala.

2.      Sipaduappulona Allah Taala.

3.      Aseng marajana Puang Allah Taala.

4.      Isseng enrenge Ebbuna Allah Taala.

Iyanae eppae passaleng parellu ripahang madeceng rilalenna appajeppuange lao ri Puang Allah Taala. Nasaba polekkoiri ri Zat-na Allah Taala mancaji I (Alepu). Polekkoi ri sifat 20 na Allah Taala mancaji I (A) polekkoi ri Aseng marajana Allah Taala mancaji I (i) polekkoi ri ebbuna Allah Taala mancaji I (U) najajina I I I I. Nainappasi pole ri I (alipu) mancaji I (Alepu) rilalenna lapaleng ---- polei ri I (a) mancaji Lam (--) pammulang ri lapaleng --- polei ri I (i) mancaji Lam (--) kedua ri lapaleng – polei ri I (u) mancaji Ha (--) ri lapaleng --. Jaji polekoniro hurupu eppae najajina asenna Puang Allah Taala --- rasenni ISMUL JALAALA (---------). Naiyyatosi Aseng Marajana Puang Allah Taala (iya) taniya baca. Taniya hurupu, taniya sadda ri asengi ISMULLAHIL A’DHAM. (--------------).

Polekkoi Ismul jalalae ( ----) eppae hurupunna mancaji aseng (------) iyarega (------) polekotoniro eppae hurupu mancaji nappase eppae iyanaritu :

1.      RADDE (Maggempung babuwa, nappase lettu ri mulajajjie, kotoniri ajeppui engkana Zat-na Allah Taala).

2.      MESSU (ripassau) koniro ri ajeppui sifat 20 na Allah Taala.

3.      RADDE (Makkeppe babuwa, nappase lettu riyase) koniro ri ajeppui aseng marajana Allah Taala (-------------------).

4.      TAMA (Mallaleng Tama) koniro riajeppui Ebbuna sibawa Issenna Allah Taala.

APPEJEPPUANNGE RI SIFAT 20 NA ALLAH TAALA

APPEJEPUANGE RI SIFAT 20 NA ALLAH TAALA

Naiyya bicaranna (pahangenna) sipat 20-na Allah Taala iyapa naweding makessing pahangenna ripassilaongeppi sempajang napogaue lanro ale (watakkale) Nasaba 13 sewwa-sewwa riwtakkaleta, 13 rokonna sempajangnge, 13 sifat Puwang Allah Taala, RIPASISOMPA, mancaji tubuh massompa, NYawa ri assompang, Puwang Allah Taala risompa.

13 sinatna Puwang Allah Taala (1) -----(engka) (2) -----(Pammulang/mariyolo) (3) -------(maradde/tentei) (4) -----(silaingeng barue) (5) -----(tettong riale) (6) -----(sewwai) (7) -----(makuasa) (8) -----(makkelo atau berkehendak) (9) -----(Paiseng) (10) ------(tuwo) (11) --------(Marengkalinga) (12) --------(Makkita) (13) ------- (Makkeda-keda).

13 rokonna sempajange iyanaritu (1) Niyat (2) Tettong (3) Takabbere (4) Baca Fatehah (5) Ruku (6) Tokkong Ri Rokoe (7) Sujud (8) Tokkong Ri Sujue (9) Tudang (10) Tahiyat (11) Salawat (12) Salam (13) Taratte.

13 sewwa-sewwa riwatakkaleta iyanaritu 4 (eppa) pole ri Ambo (Aman) (1) Buku (2) Bulu/Gemme (3) Ure (4) Kanuku, 4 (eppa) pole ri Indo (5)Otak (6)Darah (7) Juku (8) Uli, 5 (Lima) pole ri Puwang Allah Taala (9) Ada-ada, (10) Paremmau, (11) Pakkita, (12) Parengkalinga, (13) Penedding.

Iyanae 13 Sewwa-sewwa rilalenna watakkale Nassompang rigau engkana massempajang 13 rokonna, rigau engkana Zat-na Allah Taala siengkang (sibawa) sifat 13 na Puwang Allah Taala. Narekko okkoki rilalenna ARENGNGERANGNGE ri Puwang Allat Taala naripatatteppa takabbere ihramta (ripammulaina sempajangtta) Najaminni Puwang Allah Taala rimakkedana -------------------------------------------------

Bettuanna, si tongeng-tongengna sempajang (makkuwaeri) nalawaiki pole-lao rigau majaae engrenge anu makeree, enrenge ARENGNGERANGNGE kaminang maloppoe (faedana).

Carana ri pegaui sempajang sesuai petunju  a Puwang Allah Taala rimakkedana;

-----------------------------------------------------------------------------------------

Bettuanna, Aja muaddeperi sempajang rigau engkamu MABUK gangka muissenna iya mupoadae (mubacae) (Lettu Ricappanna) (ayat.43 .S. 4).

MABUK, napakkelori iyae Ayat-e iyanaritu, mabuk urusan lino, mabuk minuman atau mabuk cinta dll. Care pateddengi iyaro mabuk-e iyanaritu. Ri pamegai arenggerangnge lao ri Puwang Allah Taala riwettunna ritajenna sempajang farellue, narekko tamani wttue, tomassempajang sunnana sebagai sempajang latihan konsentrasi, inappaki masempajang parellu, iyanae sempajanna ammenge, naiyatosi tingkat-na tomareppe ri Puwang Allah Taala, napateppai Takabberenna riwettunna nasedding amelo lenynye tubunna ri Zat-na Allah Taala. Naiyatosi sempajangna tao sipojie Puwang Allah Taala, iyanaritu, sempajangenna pojiwi padatoha nasengnge Nabitta SAW --------------- Naiyya sempajange unganna matakku atau buahna atikku. Narekko ripogauni sempajange rirampe riyase, okkoniro monro wedding rajeppui sifat Engkana Puwang Allah Taala, sifat araddekenna Allah Taala, sifat silaingenna barue, sifat tettong rialena Allah Taala sifat sewwana Allah Taala atau koniro riajeppui sifat 13-na Allah Taala, narekko yakinni riajeppuinna sifatna Puwang Allah Taala iyanaro 13 pasti riajeppuitoni sifat 7 (pitu) na Allah Taala riyasenge sifat Ma’nawiyah jaji gennenni 20 sifatna Allah Taala riajeppui.

SHALAT & SEMPAJANG

SHALAT (SEMPAJANG)

Bettuanna : Hae sininna tau mateppe e aja muaddepperi rigau engamu mabok gangka muissenna mabbacae (Q. S. 4. A. 43).

            Untuk lolongengi riyasenge teppe lao ri PUwang Allah Taala iyanaritu. Pole ri apajeppuwange, bettuanna, narekko riajeppuini Puwang Allah Taala adisingeng (idi tomalasae) mellauki asalamakeng riyolona bahayae, mellauki alomongeng risussae, narekko natarimani Puwang Allah Taala parellautta, pasti tompo (talle) mannessa tepee lao ri Puwang Allah Taala, Nah tau mateppee makkuwaero ripoadang makkedae, Aja muaddaperiwi sempajang rigau engkamu Mabok Minuman mappewaju, mabok cinta mabok sedih (sussa) mabok dangkangeng, mabok pikiran enrenge rilainnae, gangkanna muissenna (mupahanna) anu ribacae. Jaji parellu ri engkalinga maneng sininna ribacae ri laleng sempajang, narekko riengkalingani iya ribacae, pasti mattaratteni baca-bacae, detonatu natomarengkalinga risaliwenna (rilainna) iyya ribacae, nasaba riekkalingana iyya ribacae, narekko masussa ripammulanna, parellui taisseng makkedae, sininna anu ripammulaiyye masussa maneng. Mappamulaki dangkang, sussana wettuna de’pa taissengi mewai mabbicara pangellie, mappamulaki maddare; sussana wettutta mabbekka (marewa) Naresopa temmangingi malomo naletei pammasena Puwang Allah Taala. Sedangkang olokoloe narekko ripaggurui wedding taonroi marellau alomongeng. Aja tapettu rennu pole ripammasena Puwang Allah Taala, Taenggerang toi adanna Puwang Allah Taala ri makkedana, -------------------------------------------------------------- sitongen-tongenna okko purai masussa engka alomongeng. Okko purai masussa pasti malomo. Engka makkeda, narekko ripammpulaini (agi-agi rijama) 50% selesai (berhasil) 50% lagi Naparosesni Puwang Allah Taala, masiga (amagattina) okkoi ATTONGENG TONGENNA ATITTA MONRO naita Puwang Allah Taala. Sibawa paimeng okko I’tikapta, Narekko masittai talolongeng NYAMENG engkana Zat_na Allah Taala nainappa ripatateppa takabbere ihramta (-------) pasti manyameng (malomo) manengni rimonrie. Narekko tahanni NYAMENG assualengenge Puwang Allah Taala, Iyyatonaro mancaji laleng natowedding KHUSYU’ rilalenna sempajangta. Iyya wedding lolongeng ASENNANGENG rimakkedana Puwang Allah Taala --------------------------------------------------------------------------Bettuanna, tongeng-tongeng Alabangeng (Asarongen/ assennangeng) tau mateppe iyya khusyu’e ri sempajanna. (Q. Al Mu’minun 1 & 2).

Iyyatonae sempajang kuysu’e riaseng sempajanna tau toil mareppee ri Puwang Allah Taala, iyarega natomakkeda tau maegae parengngerangna ri Puwang Allah Taala. Naiyatosi sempajangna tau sipojie Puwang Allah Taala (tau pojiwi puwanna, Puwang pojiwi atanna) napancaji (sempajange) UNGA MATANNA sibawa sempajange napancaji --------------- Bettuanna, Untuk ARENGGERANG KAMINANG MALOPPO (malebbi) nasaba toil sipabbicara tongeng-tongengna Puwang Allah Taala ri laleng sempajang, iyyatona sempajange napancaji MI’RAJ (addengeng/tangga) menre tau mateppe majeppui hakekat apuwangenna Puwang Allah Taala. Nasaba nappase messui lettu risese arajanna Puwang Allah Taala, iyyatona mancaji sipa 20 na Allah Taala, sipa 20 na, 13 sipanna napancaji sempajang 13 rokonna, na KHUSYU’ na 13 sewwa-sewwa riwatakkale rilaleng sempajang limae wettu, okkoniro nawedding riajeppui sipa 7 (pitu) na, najajina riajeppui maneng 20-e sipanna Allah Taala, iyyanaro riaseng MAPPEJEPPU DEGGAGA PUWANG RILAENNAE PUWANG ALLAH TAALA. Iyanatu nakkeda tau panritata, nigi-nigi masengni alena mappejeppu (hakikatur rububiyah) nataniya sempajang naola, ada belle. Nasaba sempajange memengtomiha bawang laleng riola padatoha iyya nacontohngekki Nabitta Muhammad SAW. Rimakkedanna -----------

            Bettuanna, Naiyya sempajangnge laleng menre (addengeng/tangga/mi’raj) na tau mateppee.

Jaji, upakkolingngi paimeng makkedae, taggurui-moi riyaseng sempajang khusyu’. Narekko naitani atitta mattongeng-tongeng maelo rapii (missengi) nalomoyag mokkitu Puwang Allah Taala, aja tapettu rennu rimasessana Puwang Allah Taala, nasaba lamma idimmi masengngi aleta mattongeng-tongeng, nadepa naita mattongeng-tongengngi atitta Puwang Allah Taala. Iyyae bicarae parellu toi tapahang madeceng. Nasaba, iyyapa namakessing okko Puwang Allah Taala mitai atitta mattongeng-tongen makko memeng toniro matti anu(agi-agi) ri cinnai, ri apparelluang, ri ellau ri Puwang Allah Taala. Jaji, sempajangetu aggurung riyolo, narekko maccani (husya’) ri sempajangta, pasti macaroni marellau ri Puwang Allah Taala. Narekko natitani mata natarima parellautta Puwang Allah Taala, natarimatonitu sempajangta Puwang Allah Taala. Mancajitoni sempajangta PAGGONCINNA sininna decengnge. Naerkko maeloki madeceng, tapogaui sempajang lima wettue, narekko ciyaki (teyyaki) madeceng, idi matoo!!. Tapi taisseng makkedae. Naiyya Puwang Allah Taala de’narobai seddiie kaum (seddie tau) narekko taniya alena maelo robai alena. -------------------